सुर्खेत। जाजरकोटमा दुई वटा सवारी साधन छुट्टाछुट्टै दुर्घटना हुँदा ३९ जना घाईते भएका छन्।जाजरकोको पूर्वी भेग नलगाड र पश्चिमी भेग कुदुमा भएका छुट्टाछुट्टै दुर्घटनामा ३९ जना घाईते भएका छन्। तीमध्ये चार जना डिस्चार्ज भएको प्रहरीले जनाएको छ।सोमबार जाजरकोट सदरमुकामबाट नेपालगञ्ज जान लागेको बा ५ ख १८९२ नम्बरको फोर्स गाडी दुर्घटना हुँदा ३२ जना घाईते भएका छन्।यस्तै बारेकोट गाउँपालिकाबाट सदरमुकामतर्फ आईरहेको भे १ ज ५९५ नम्बरको बोलेरो जिप दुर्घटना हुँदा सात जना घाईते भएका थिए। बोलेरो जिप दुर्घटनाका सात जना घाईतेमध्ये चार जना डिस्चार्ज भएका हुन्।दुवै दुर्घटनाका घाईतेमध्ये ९ जनालाई हेलिकप्टरमार्फत सुर्खेत ल्याउन लागिएको हो। अहिले ४ जनालाई ल्याएर हेलिकप्टर फर्किएको छ। थप पाँच जनालाई लिन पुनः जाने प्रहरीले जनाएको छ।
प्रकाशित मिति : २०८१ कार्तिक २६ गते सोमवार
प्रतिक्रिया दिनुहोस्